البداية ويمكن تكون مختلفة بعض الشي
نضع السنارة باليد اليمين الخيط باليسار نلف الخيط على الابهام من الخارج
للداخل ومندخل الخيط من تحت الخيط الخارجي مندخل السنارة بالخيط ونشده على
السنارة
ومنكرر على نفس الطريقة مع تمرير الخيط من تحت السنارة ومندخلها بالخيط ونسحب الخيط
ونعمل 30 غرزة
بعد الانتهاء من الدور نضع السنارة المشغول عليها باليسار والتانية
باليمين وبدنا نشتغل غرزتين عدل وغرزتين مقلوب وندخل السنارة بالغرزة
الاولى والخيط بيكون للخلف ونسحبها من غير شغل اما الغرزة التانية مندخل
السنارة من الامام ونلف الخيط من تحت السنارة للداخل ومنخرج الغرزة يعني
منعمل 2 مقلوب 2 عدل والسطر يلي بعده متل السطر الاول وهكذا اذا
الغرزتين المقلوبين منرجع الخيط للامام ومندخل السنارة من امام الغرزة
والخيط منمرروا من فوق السنارة ومنسحب الخيط داخل الغرزة ومنشد ه على
السنارة
الصور تدل على الخطوات يلي شرحتها
[IMG]
الدور التاني بيكون معنا 2 مقلوب 2 عدل
منكمل 12 دور بنفس الطريقة
انتهينا من عمل كمر القفاز ونبدا الدور بسحب اول غرزة ومنزود بالغرزة
التانية غرزة بيكون الخيط للامام مندخل السنارة بالغرزة المشغولة من الخلف
للامام منمرر الخيط من فوق السنارة ومنشد الخيط واغرزة الاساسية لساها على
السنارة مندخل السنارة فيها منلف الخيط من فوق السنارة ومنشد الخيط
الصورة بتوضح الزيادة
ومنكمل الشغل بالغرزة المقلوبة مع تزويد غرزة في الغرزة ما قبل الاخيرة
مننتقل للدور الجديد ومنقسم الشغل كالاتي
7 عدل -2 مقلوب -6 عدل- 2 مقلوب-6 عدل -2 مقلوب -7 عدل
ملاحظة الزيادة بتكون باول الجدلة وباخر الجدلة الى الانتهاء من عمل 3 جدلات وهي بتكون طول القفاز
اذا نبدا الدور بسحب غرزة مع زيادة غرزة ومنشتغل السبع غرز عدل صارمعنا 8
غرز ثم 2 مقلوب لعمل الجدلة نرجع الخيط للخلف منقيم على مشبك 3 غرز
ومنشتغل الغرز الثلاثة الباقية ثم منرجع الغرز الثلاثة على السنارة
ومنشتغلهم ثم 2 مقلوب ومنعيد عمل الجدلة ثم 2 مقلوب و7 عدل مع زيادة غرزة
السطر يلي بعده بمنعمل
7 مقلوب -2 عدل -6مقلوب -2عدل -6مقلوب -2عدل -7مقلوب
كل 8 ادوار منعمل جدلة حتى يصير معنا 3 جدلات
الدور االاخير يلي بدنا نجدل فيه منعمل االجدلة الاولى والتانية و2 مقلوب
منقيم على المشبك 12 غرزة ومنشتغل الباقي مع مراعاة ارجاع الخيط للخلف
ال12 غرزة منتركهم على المشبك حتى بالخير نشتغل مكان الابهام
نعمل الكمر التاني 2 عدل 2 مقلوب نشتغل 8 ادوار
اما طريق ل ختم الدور منسحب اول غرزة على السنارة ومنشتغل الغرزة التانية
منرجع الغرزة الاولى على السنارة ومنسحب الغرزة التانية من داخل الغرزة
الاولى ة ختم الدور
بيبقى غرزة واحدة على السنارة منقطع الخيط ومندخلوا داخل الغرزة ومنشدها
انتهينا من عمل الكمر التاني منرجع للغرز يلي تركناهم على المشبك عل السنارة منشتغل 2 عدل 2 مقلوب منعمل 5 ادوار ومنختم الشغل
الشكل النهائي قبل الخياطة
منخيط القفاز وهادا الشكل النهائي
