انت حتعملي سلسلة من 5 او 6 غرزة وتقفليها بغرزة منزلقة
حتطلعي ارتفاع السطر 4 سلسلة وتعملي 7 عامود بلفتين - اخدناها في الدورة-
بين كل عامودين 2 سلسلة وتقفلي بمنزلقة في الغرزة الرابعة من سلسلة ارتفاع
السطر
حتعملي 7 سلسلة ارتفاع السطروفي اول 2 سلسلة بين اول عامودين حتعملي 4
عامود ب 5 لفة بس كل عامود حتسيبي الغرزة الاخيرة بتاعته على الابرة
يعني حيكون عندك 5 غرزة على الابرة حتقفليهم مرة واحدة- اخر غررزة من ارتفاع السطر مع 4 غرز من الاربع عواميد اللي عملتيهم
وبعدين حتعملي 21 غرزة سلسلة وفي 2 سلسلة اللي بعدهم حتعملي 5 عامود ب 5
لفة وتقفليهم مع بعض زي العواميد اللي فاتت - خدي بالك اللي فاتوا برضه
يعتبروا 5 عامود لان سلسلة ارتفاع السطر بتتحسب عامود -
تعملي 25 غرزة سلسلة وفي 2 سلسلة اللي بعد كده برضه 5 عامود ب 5 لفة وتقفليهم مع بعض وبعدين 21 سلسلة وهكذا لحد ما تخلص معاكي الوردة
وفي النهاية تقفليها بغرزة منزلقة - انا شرحت لك الوردة اللي على الشمال
بس طبعا تاخدي بالك من عدد السلاسل اللي بين الاعمدة لانه مديها في الباترون بمقاسات مختلفة
حتيجي بقي وانت بتعملي الوردة اللي على اليمين لما توصلي للسلسلة اللي
كاتب عليها 10 و10 هما اساسا 20 غرزة بس انت حتعملي 10 وبعدين حتدهلي في
الغرزة رقم 11 من الوردة الاولي عند السلسلة اللي مكتوب عليها 21 غرزة
وتمسكيهم مع بعض بغرزة منزلقة وبعدين تعملي 10 غرزة سلسلة تانية وتكلمي
عادي
حتيجي بقي عند السلسلة اللي مكتوب عليها 12 و12 برضه نفس الفكرة حتعملي 12
غرزة وفي الوردة المقابلة عند 25 سلسلة حتدخلي في السلسلة ال13 وتمسكيهم
مع بعض بمنزلقة وبعدين تعملي 12 غرزة سلسلة تاني يعني هما اجماليهم 24
سلسلة
- انا شرحت لك ال10 وال10 الاول علشان تبقي سهلة في الفهم -
هو بقي في الباترون عامل 2 نقطة سودا على 12 و12 اللي قبل وبعد ال 10 و10
يعني هنا حتمسكي في وردة تانية بس هو مش رسمها - لو تخيلت الشكل على كبير
حيطلع هنا فكان وردة وتحت مكان وردة عند النقط السودا دي -
